Lontar Raja Bherawa

Raja Bherawa (Gedong Kirtya Singaraja)

Panjang 48 cm, lebar 3,5 cm, jumlah 14 lembar

No. IIIb/1429/41/kawisesan/

Turunan dari lontar milik Dewa Made Karang, dari Banjar Pule, Bangli, diturun oleh I Gde Minten (?) dari Banjar Dangin Peken, Singaraja

1b. Om Awighnamastu nama sidem. Nyan tegesing sang adiguru, hyang sinuhun, hyang raja bhirawa, ngaran, ring sisyan hyang iswara, hyang brahma, hyang ludra, hyang mahadewa, hyang sangkara, hyang wisnu, hyang sambhu, hyang siwa, hyang bayu, hyang acinya, ring sisyan hyang iswara, hyang maheswara, hyang brahma, hyang ludra, hyang mahadewa, hyang sangkara, hyang wisnu, hyang siwa, hyang bayu, hyang acintya, ngaran, lingira sang sinuhun, ring sisyan ida, duk tanana paran-paran, tanana sor, tanana luhur, tanana prethiwi, tanana akasa, tanana wetan kidul, kulon, lor, tanana manusa, tanana bhatara, tanana surya, tanana hulan, lintang tranggana, tanana bayu, tanana toya, tananagni, tanana rahina wengi, tanana sagara danu, tanana sarwa tumuwuh, tanana dina, tanana mantra, tanana puja, tanana bhuta dengen, telas samangkana tegesnya,

 

2a. linging sastra.0. Malih tegesing sang adiguru, nyan kamulanire nguni, ngaran, duk sira gumantung tan pacantelan, hana suranggana ngaran, hana bhumi sarira, hana manusa sakti, mayoga mangeka padha, acatur bhuja, metu ikang bayu, hana toyagni, payogan manusa sakti ngaran, hana sor hana luhur, hana prithiwi, hana akasa, hana manusa, hana wetan, hana kidul, hana kulon, hana lor, hana ring tengah, hana bhatara nawa sangha, hana surya, hana candra, hana lintang tranggana, hana rahina wengi, hana bayu, hana toya, hanagni, hana sagara, danu, hana sarwa tumuwuh, hana pangan kinum, hana mantra puja, samadhi, hana dewa, hana kala, hana dengen, telas samangkana tegesnya, iki tutur uttama dahat, haja bucecer, temah ing hulun.0. hidep geni tungtung ing lidah, toya madhyaning lidah, bhata-

2b. ra guru bungkah ing lidah, turunakna tirtha ring tinghal, gesengakna geni ring madhyaning lidah, iti panggesengan, ayoga anuju purnama tilem, kaliwon.0. I bapa tungtung ing lidah, I meme madhyaning lidah, I kaki bungkah ing lidah, patemwang ka madhyaning lidah, huwus matemu, I kaki ngraksa, lebang ka tungtung ing ghrana.0. sang hyang wisnu janardana, kumeleb ring lalata, metu anuhut panoning tinghal, ka cantik ing kulungan, hidep anuhut bun putih, ka tungtung ing hati, maring nabhi, bresihin I meme, ngungsi windu ning lalata, ring siwadwara, iki pabresihan, I bapa ring hati putih, jro ning dada tengen, I meme ring nyali putih, jro ning dada kiwa, matemu ka bungkah ing lidah, wus matemu, I bapa metu ka tungtung ing panon tengen, I meme metu ka tungtung ing panon kiwa, andawut mretha ring bhuwana agung, ka surya, ka wulan, ika

3a. olih mretha, kasrah ring manusa sakti, ring hurung-hurung gading, ne sakit, karingkes, ring setra mamenang, manusa sakti mangurip, katirthanin bahan banyu pawitra, ring setra mamenang, mayoga si genahnya, iki balyan ring sarira, manusa sakti ngaran, yan kita mayoga, sedeking asepi ning wong.0. setra mamenang pucak ing lidah, setra gandhamayu madhyaning lidah.0. nyan pametu geni ring sarira, geni andilah ring ulu puwun, geni pantara ring inan lima, geni mabhra ring siwadwara, geni anjayeng rat ring netra, geni muka ring cangkem, patemuhakna bungkah ing lidah, metu ka tungtung ing lidah, ANG, JANG, reh tangan karo, anatakin cangkem, yan katon murub, talapakan tangan, takepakna laranya, sing genahnya lara, iki panggesengan.0. duke di yeh, I balata, duke di batu, I malata, duke di bun, I bo-

3b. do, duke di kayu, I baher, duke di bhumi, I buk, poma, 3, di yang, 3, tan pareka, ning yem, 3, mareka bungkar malane I anu, sapakarangan sumusupta, slamibe, sakti tan katon, jeng, rehakanda, 5, nyamane I mandi tuwan, I desad, I yalih, I sutra nirum, I makahim, I salawa, I reka taruman, ing lah, ing suminglah, I muhamad, I brahim, I dara manaram, pang eling manyama teken kaka, kaka eling manyama teken ramana raman, duke musti mahap ka luwanan, delengen tungtung ing ghrana.0. hyang awahareka, bungkar gering sapakarangan, ber-miber, muksah saking tanana, jeng, telas.0. mantra, ONG MANG, hidep sarine, ambahang ka irung, kiwa tengen, aworin sarine I bapa, ring teleng ing tinghal, palabahan, malih, aku angruwat anglebur kajya kawuh I buda ngerem, sing teka

4a. pada cemplung-cemplung, 3, mantra, ong rara roga kaping roga, manira angesti bhatara wisnu, ida nuduk nira, bhatara brahma nglarani, bhatara wisnu anambani, bhatara iswara manyusupang, bhatara wisnu ida katemu teken rain ida, teka lebur, 3, telas.0. brahma matemu teken rain ida pada brahma, wisnu matemu pada wisnu, toya matemu pada toya, telas.0. brahma nglaranin, wisnu anambanin, I bapa, jeng, tambanin nyamane lara, poma, 3, telas.0. pangidepana gering muksah sang gudug basur, aku amuksaha ring awak sariranku, A, 3, reh amusti asuku tunggal.0. nihan ngregep sang hyang amretha kundalini, nya mahundawa huripta aja salah para, hana ta bahni darana ngaranira, humeneng tan molah, hidep sang hyang agni ring puser, ANG, ring nabhi, gumesengi papa klesa ning sariranta, mwang ring papa ning 

4b. bapebu, mwang sakalwiraning kapangan kenum, geseng dadi awu, de nira sang hyang agni rahasya haneng nabhi, siniliran dening bayunta, sakeng tungtung ing irung kalih, masuk mahawaning liyangnya kiwa tengen, ANG, mantrakna, marganya ring sumsum nadi, mareng ati, ring ngkana genahing bayu anunggal, ring wit ning trinadi, rarisakna ring kundha rahasya, haneng puser, irika ta agawe wreddhi ning ageni murub, gumesenga papa ning sariranta, patengeranira gni wreddhi, asing pinangan tan pamikaranin, jinna ring jro weteng, sadakala utahakna, telas.0. iti panggegesengan ngaran, yan kita mayoga, kala ning dina ayu, sedek ing asepi, haywa byapara, pageh temen pangidepnya, rahasya dahat, haywa cawuh.0. nihan geni tiga ngaran, hidep sang hyang agni metu ring ulu puwun, ingidep sang hyang agni ring muka, ingidep sang hyang agni ring nabhi ngaran, 

5a. ingidep matemu ring nabhi, yan wus ametu sang hyang agni, hidep angupinang gni ika, ANG, ingidep ageseng papa klesane ring nabhi, yan wus ageseng, anyudang ka silit, telas. Yen sira mayoga, pepet bayunta, sedek ing asepi haywa byapara, gelengen payoganta, rahasya dahat, haywa cawuh.0. iti palabaning lara, ring suku, ring kulit, ring galih, ring otot, ring getih, ika kawruhakna denira, iki arane sang bhumi kiye ngaran, genahnya ring otot, ring getih, ika anglaranin manusa kabeh, balyane ring suryane, rupaning sun kadi manik banyu sing suci ngaran, arane mas tumambang, genahnya bayu ring sabda, anerus ring hidep, tambanya idu putih, usapakna ri awakta, ingaranan balyan putus, bratanya, aja angising anguyuh marep wetan kulon, marep kidul, lor kawenang, samangkana tegesnya, haywa wera pingiten.0. 

5b. Nyan brataning adyus, tingkahe adyus, sedeking asepi, tanana sadyana, adeket awakta, wus denya adyus, hidep kadi damar tan pakukus, kadi manik sphatika suddha tan pataleteh, terus anarawang, tekaning wulu puhun, terus tekeng wulu puhun, terus tekeng pahuyu-huyuhan, jnana nirmala, kadi gagana, tan pamega, hidep agni saking nabhinta, urub anggesengi mala patakanta, jaba lawan jro, wus denta geseng, hidep wisnu amretaning sariranta, hidep tirtha ring kundamanik, mijil saking lenging pupusuh, ika amrethanin sariranta, tingkahe mandus mahememan, lwiring sadpada, salwire kunang, yawat rwaning kayu wenang, wusan mandus, apan patengeran, yan enggal sadpada adeket awakta, enggal laranta suddha, yan asuwe, suwe laranta suddha, den gelengen mayoga nuju

6a. purnama tilem, kliwon.0.  I bapa tungtung ing lidah, i meme madhyaning lidah, bhatara guru bungkahing lidah, matemu I bapa ka madhyaning lidah, wus matemu, bhatara guru ngraksa, lebang ka tungtung ing grana, telas, tunggal tuduhe nguni.0. iti paknan sira abrata, haywa byapara, haywa rerengenan, haywa pati sasambati, umawak prithiwi sira, rahasya dahat, turunakna tirtha ring tinghal, gesengakna gni ring madhyaning lidah, iki panggegesengan, pabresihan I meme I bapa, sang hyang wisnu janardhanane, kumeleb ring lalata, metu anuhut taroning tinghal, ka cantik kukulungan, hidep anuhut bun putih, ka tungtung ing lati, maring nabhi, bresihin I meme, ngungsi windu ning lalata, ring siwadwara, telas, mayoga murnama tilem, haywa wera, haywa cawuh, rahasya dahat.0. Nya-

6b. n panggegesengan, ngaran, hidep magenah metu ring kala danawa, hidep salwiring lara, magenah patengahing lidah, metu geni ring pukuhing lidah, geseng, wus ageseng, metuha toya saking siwadwara, anyudang ka tungtunging lidah, untalang ka selaning lalata, cebosang ka tungtung ing grana, duh bapa apan bapa pangawaking wisnu, wenang bapa anglukat lara wighnanirane, anggeseng amunah amupug, teka geseng, 3x, telas, haywa wera, haywa cawuh.0. murus hyang magawe baga punika mapan pagawe hyang, ya anglukat lara wighna, mapan pagawe hyang, ya anggeseng amunah amupug, teka geseng, 3x, duh ida ko iriki, katandruhan titiang jani, titiang awor ring ida, pedemin titiang ida, bangun ida maraga balyan, aku puruse gede, ya aku balungi bagane gede, hyang geni magawe toya, Ah, telas, rehnyamusti.0. kanda 5, sira sang bhuta

7a. kakawah, sira bhuta ari-ari, sira bhuta embeh-embeh, sira bhuta gudug basur, nora ingsun anyulubi kawah, ingsun anyulubin swarga lewih, balyan bhatara brahma anglaranin, balyan bhatara wisnu anambanin, balyan bhatara iswara manguripang, 3 x, telas, reh angeka pada, twas toya marapat, ebah ka teben, raris anyudang satiba paranta, ebah kalwan, anyudang satiba paranta, haywa cawuh.0. I bhuta kakawah, bhuta ari-ari, bhuta embeh-embeh, bhuta gudug basur, malih ne sakit, ra, sira ules ri carma, sira darah rudira, sira padaragi, sira dangkan sumsum, ika rumawak sakit, ringkes di setra gandamayu, yan wus karingkes, bhuta ari-ari ngawetwang geni, anggeseng lara, anerus anggeseng atemahan dadi awu, reh ngeka pada, raris amusti, bah ka teben, raris anyudang, malih mayoga, hidep ta suba da-

7b. di awu, bhuta gudug basur ngawetwang blabar, anganyudang awu, telas, raris bah ka luwan anyudang, satiba paranta, yan wus kampih, malih mayoga, ingidep awakta waluya jati, hening tan pataleteh, telas. Malih pararawupan, brahma anglaranin, wisnu anambanin, iswara temuwang, pat magawe lara, pat magawe bayu, telas, metu sang hyang barunangastra, mantra, ong phat ya nama swaha, telas, reh amusti, haywa mambekan.0. malih pararawupan, brahmana suci, tirtha pawitra, angilangakna nirmala, telas, mantra haywa metu, yan kita anglekasakna, haywa rimrim panghidepira.0. I bapa ring hati putih, jro ning dada tengen, I meme ring nyali putih, jro ning dada kiwa, matemu ka bungkahing lidah, yan wus matemu, I bapa metu ka tungtunging manon tengen, I meme metu ka tungtunging manon kiwa, andawut mretha ring bhuwana agung, ka surya, ka

8a. wulan ka lintang, ika olih mretha, kasrah ring manusa sakti, manusa sakti ring hurung-hurung gading, ne sakit karingkes ring setra mamenang, manusa sakti mangurip, katirthayan banyu mahapawitra, ring setra mamenang mayoga sig genahnya, iti balyan ring sarira, manusa sakti ngaranya, mayoga sedeking asepi ning wong, setra gandamayu madhyaning lidah, setra mamenang pucuking lidah, I bapa aku lara, aku anunas tirtha ring ida bhadawang nala, yen ida akarya tirtha, aku lara aku anunas tirtha ring ida, anyudang larankune, telas, reh amusti marep ka luwanan, anyudang, malih reh amusti marep ka teben, mantra, I bapa aduh lara, duk akune kagawe bahan I meme, tahu aku ri larangkune, duk akune kagawe bahan I bapa, tahu aku ri larangkune, duk akune mandadi bintang, tiba aku ka empelane ditu, aku mandadi nyolo-

8b. d, uwugang empelane, anyudang larane, telas, reh amusti, raris mandus, anyudang, wus asiram, sapanya, hana mangko hana sepi teka sepi, 3x, aja nolih, hana wong anapa, aja sumahur, raris amegeng bayu, iki pangleburan gering.0. iti pangleburan ring lwah ngaran, yen sira asiram, soring ulunta, yen rahina marep ka teben mayoga, mapan sarine marep lor, yen wengi marep kalwan mayoga, mapan sarining toya saking kidul sangkane, mapan rahina wengi rumawak lanang wadon, mangkana kramanya adyus akramas.0. iti pangleburan gering, mantra, ong lara rogha kapi rogha, manira mangisthi bhatara wisnu, ida manuduk nira, bhatara brahma anglaranin, bhatara wisnu anambanin, bhatara iswara manyusupang, bhatara wisnu ida katemu teken rain ida, teka lebur, 3x, telas. 

9a. iti patemun toya ring bhuwana agung, lan bhuwana alit, yogakna marep ka lwanan, I brahma lara, wisnu anambanin I bapa, jong, tambanin nyamane lara, poma, 3x, telas. 0. Mantra, muksah sang gudug basur, aku amuksaha ring awak sariranku, Ah,3x, mur mur tambana sariranku, I, 3x, reh amusti asuku tunggal, 00, ih sang adarani, angapa kawah iki, kawah remuk, teka bencah mandadi swarga, sita sita maring sita, nyendan parat, candi murub, sudra maring sudra, wesya maring wesya, campur maring campur, dening bayu sabda hidep, Ang Ung Mang, sawineh aworin I guru, teleng ing tinghal kiwa tengen, telas, yen wus amangan, hidep salwiring mataluh, swarganya ring bhatara brahma, hidep salwiring tumuwuh, swarganya ring bhatara wisnu, samangkana kramanya.0. nyan kaputusan kada-

9b. dining jadma ngaran, kawruhakna denira, sarasaning tiba ring istri, sadurung hemut lan sarining istri ngaran, aku sang hyang malupat, wruh aku campuh lan sarining istri, ngaran, aku sang hyang malupat, wahu asasih, meneng sarining istri, aku sang hyang sari meneng, wahu 2 sasih, aku sang hyang wong kamanganci, wahu 3 sasih, ngaran. Aku sang hyang kama molah, wahu 4 sasih ngaran, aku sang hyang manik sapedes, wahu 5 sasih ngaran, aku sang hyang kamareka, wahu 6 sasih ngaran, aku sang hyang surakanta, ahu 7 sasih ngaran, aku sang hyang lumut, wahu 8 sasih ngaran, metu bawu kiwa, aku sang hyang traju mas, wahu 9 sasih ngaran, metu bawu tengen, aku sang hyang kama geger, wahu 10 sasih, pegat puser sira, ngaran, aku sang hyang ilabanya sarira, aku sang hyang menget, astiti jati bisa aku makehengan, ngaran, aku sang hyang rajawayan, ngaran, bisa aku maho-

10a. rahan, ngaran, aku sang hyang eta-eto, bisa aku malingeb, ngaran, aku sang hyang taya, bisa aku rumangkang, aku sang hyang wenang, bihibi nore, akukudi, aku sang hyang sakuni, dinyus aku, ngaran, aku sang hyang naga gombang, tuminghal aku angarepi biya, ngaran, aku sang hyang astiti jati, durung aku madahar susu, ngaran, aku mulane wong mabrata, bisa aku madahar sega, ngaran, aku wong dumasatna, sah pusa aku alungguh, ngaran, aku bhatara guru, bisa aku mategtegan, hana bhumi hana langit, ika kawruhakna denira, bisa aku ka pisaga, anaranyar ngaran, wruh aku ring sanak rabine, maka wargame, telas, hana dewa, hana bhuta ring bhuwana sariranta, ika kawruhakna denira, dewane di miyune, hana iblis, tonyan kayune di sanggah ngaran, hana I setan, dewane di batune, I becal ngaran dewane di tegale, I jajil ngaran, hana dewa

10b. ne di yehe, I amad ngaran, ne di lebuhe, I bhuta bregenjer ngaran ne di pempatane, caligendruk ngaran ne di semane, I salimareka ngaran, dewane di rambut siwi, mpu ragarunting ngaran, dewane di padangan mpu kuturan ngaran, ika kawruhakna denira, hana mpu ring sariranta ngaran, mpu adimarga ngaran ring suku, mpu ragarunting angan, mpu sredah ngaran ring cangkem, mpu kanwa ngaran ring soca, mpu adirare ngaran ring tungtunging tinghal, bhagawan kasyapa ngaran ring kulit, bhagawan bregu ngaran ring daging, bhagawan hyang narada ngaran ring getih, ika kwruhakna denira, telas. Linjong tengen, ika kawruhakna denira, telanira, yan sira mayoga, sami kalawan hidep, yan sira agring hidep sariranta, ring jro weteng banyunta, yan tekaning satrunta, hidep manusa bahu mareka, ring babunta yan alas aeng, mwah kabuyutan, dadi sarwa

11a. ning aeng, hidepakna sari-sari, haywa wera, pingit temen, ila-ila dahat, apan upadrawa nguni, saking wilwatikta sangkane, telas, mangkana linging sastra.0. iti kadadin dukuh aji, iki dukuh aji angadga sira ring bawu tengen, sun tadahen angkihane, satru musuh ingsun, raksanen awak ingsun, yan hana sanjata lalandepe, tumampek ring awak ingsun, ampihang, poma 3x. 0. Dukuh tapa angadga ring bawu kiwa, sun tadahen bayune satru musuh ingsun, yen hana sanjata lalandepe, tumampeki awak ingsun, ampihang, poma 3x.0. iki dukuh dada, angadga sira ring sasalangan tengen, sun tadahen sabdane samusuh ingsun, raksanen awak ingsun, yen hana sanjatane tumampek ri awak ingsun, ampihang, poma 3x.0. iki dukuh

11b. heko, angadga sira ring sasalangan kiwa, sun tadahen getihe satru musuh ingsun, raksanen awak ingsun, yen hana sanjatane lalandepe, tumampek ring awak ingsun, ampihang, aja lali, poma 3x. telas. iti pangawasan ring satru, haywa wera, poma. 0. Iki Ibu kunti ngaran, kaka sang bhutaya, yayi sang bhuta ari-ari, merene sira, maka taturuha sira, mapan sira asasanak kalawan ingsun, sira karihin, yen hana hala paksane, kira-kirane kalawan ingsun, himpusana sukune, tangane, apang tan kawasa tumindaka, kaki sang bhuta pilah-piluh, ring harepku, kaki sang bhuta kakawah, ring uringku, yayi bataha ring rikata, yan hana hala paksane, lwarana denira, apan hana ganjaranira, telas, sega sakepel, uyah areng, rujak gadung, banyunya tuwak mawadah kawu bulu, si-

12a. du busung, yan sira alulungha, lekasakna sari-sari.0. iki kawisesan, ngaran, sang hyang antra wisesa, sanakira ri wit ri tengah bungkahing hati, rupanira putih sumunu, sang hyang hidep wisesa, sanakira ri wit ri tengah bungkahing pupusuh, kapancer ring prithiwi, hidep manusa bahu mareka.0. iki kaputusan manusa sakti ngaran, haywa wera, mule temen anganggo, poma.0. sang hyang atma purna jiwa, mungguh ring tungtunging lidah, sang hyang atma jiwa mungguh ring tungtunging tinghal, sang hyang atma jiwa hening mungguh ring tungtunging pupusuh, ika sami toya, dahutakna kabeh patemoning pancer ring prithiwi, hidep manusa bahu mareka, telas, reh anuding, dugan ibane nu di yehe, suba tawang kahi, haywa wera, iki kaputusan siwa sapurna.0. iki kaputusan aji sang hyang tunjung putih ngaran, bhatara iswara ring pupusuh, pametu ring hidep, mar-

12b. ga ring karna tengen, bhatara maheswara ring paparu, patemuning cipta, marga ring karna kiwa, bhatara brahma ring angen-angen, pamur ring manon, amarga ring irung tengen, bhatara ludra ring usus gung, pametu ring tutur, amarga ring purus, bhatara mahadewa ring ungsilan, pametu ring sabda, amarga ring tinghal tengen, bhatara sangkara ring limpa, pametu ring ambek, amarga ring puser, bhatara wisnu ring ampru, pametu ring angen-angen, amarga ring tinghal kiwa, bhatara sambhu ring ineb-ineban, pametu ring bayu, amarga ring irung kiwa, bhatara siwa ring puser, amarga ring cangkem, ngaran, cita mulih saking tutur, tutur mulih saking ambek, ambek mulih saking bayu, bayu mulih saking pangrengo, angrengo mulih saking sabda, sabda mulih saking hidep, nah bayu nah sabda, nah hidep, bayu mulih saking sarira, dadi angen-angen, sabda mulih saking sarira dadi manah,

13a. hidep mulih saking sarira dadi njane, telas, reh andeleng wawayanganta delengen ring akasa, haywa kumedep, yan katon putih wawayanganta, hidep bhatara iswara malungguh ring pupusuh, mantra, ong sang nama swaha, yan katon abang wawayanganta, hidep bhatara brahma malungguh ring hati, mantra, ong bang nama swaha, yan katon kuning wawayanganta, hidep bhatara mahadewa malungguh ring ungsilan, mantra, ong tang nama swaha, yan katon hireng wawayanganta, hidep sang hyang wisnu malungguh ring ampru, mantra, ong ung namah swaha, yan katon siwa wawayanganta, hidep bhatara siwa malungguhaning hati, mantra, ong nama swaha. Telas. Palani aji sang hyang tunjung putih, ngaran, tumaken, ateguh mangko, ateguh tembe, ping sapta anjanma teguh prajurit, tur kinatakutaning wong kabeh, haywa wera, mijil saking wilatikta, wastu upadrawa,0. 

13b. iki kaputusan I semar, metu atmane si anu, angambahang ka socane tengen, maring purusku, metu kamanku ngambah ka socane si anu kiwa, sep, ah, hidep metu ring wulu puhun amepet bayu, piwelas, haywa wera, uttama temen, sing sadya katemu denya katon.o. iki kaputusan kecap mandi, sang hyang kedep bungkahing pupusuh, sang hyang siddhi bungkahing ampru, sang hyang mandi bungkahing hati, dawutakna kabeh, patemonakna ka cantiking lidah, haywa wera, uttama temen.0. iki kaputusan dina ring sarira, idep soma ring ati, kajeng ring paparu, manis ring pupusuh, hidep matemu ring bungkahing lidah, amarga ring bayu, palinggihanira ring sabda, anerus, telas, mijil saking wilatikta.0. nyan tutur mottama, kawruhakna denira, mati kulit dadi sang korsika, mati daging dadi sang garga, mati otot dadi sang metri, mati balung da-

14a. di bhatara mahadewa, mati ampru dadi bhatara wisnu, mati ineban, ma siwa, ang siwa, ang sadhasiwa, ang paramasiwa, ang guru hati, ung guru ampru, mang guru pupusuh, dadi putih maka bapa, dadi abang maka ibu, sira putih dadi metu rasa hidep, sira abang dadi metu rasa anom, sira hireng dadi metu banyu hurip, purwa putih dadi wit, purwa jagat, haywa bucecer, uttama dahat, wisesa dahat. Telas.0.